Лениногорскида топонимика буенча комиссия утырышы үтте

Комиссия утырышында район башлыгы Рәгать Хөсәенов катнашты.

Көн тәртибенә шәһәр ветераннар советы һәм «Лениногорскнефть» идарәсе җитәкчелегенең ветераннар: сугыш һәм нефть промышленносте ветераны В.Д. Пилипенко һәм Социалистик Хезмәт Герое, нефть промышленносте ветераны А.В. Арестовның исемнәрен мәңгеләштерү мәсьәләләре куелган иде. Комиссия шәһәр Советы сессиясенә түбәндәге сорауларны тәкъдим итәргә дигән карарга килде:
1. Нефть промышленносте ветераны В.Д. Пилипенко яшәгән йортка истәлек барельефы куярга
2. 7нче микрорайондагы бер урамга Социалистик Хезмәт Герое, нефть промышленносте ветерыны А.В. Арестов исемен бирергә.