Лениногорскида Хәбибуллиннар гаиләсен «алтын туй» белән котладылар

1 августта Лениногорск шәһәренең ЗАГС бүлегендә  Хәбибуллиннар  – Минсабир Сафиуллович һәм Рәйсә Мәхмүт кызын алтын туйлары белән котладылар.

Ярты гасыр элек, 1976 елның 31 июлендә алар тормыш корып җибәргәннәр.  Ә булачак ир белән хатын тагын да иртәрәк танышалар - 1975 елда Сабантуйда.

Алар үз гаилә тормышын Лениногорскида башлый, аннары Түбән Камага күченә, анда озак еллар шәһәр төзүче предприятиеләрдә хезмәт куялар. Хәзер Хәбибуллиннар лаеклы ялда, ә 4 ел элек Лениногорскига янәдән кайтканнар.

Юбилярларның төп байлыгы - ике бала, дүрт онык.

Бу истәлекле көнне гаилә бәйрәменә иң якыннары җыелды, котлау сүзләре яңгырады. Традиция буенча аларның исемнәре Лениногорск шәһәре һәм Лениногорск районы юбилярларының Мактау китабына кертелде.

фотолар: ЗАГС бүлеге