Мичурин авылында оныклар хәрбиләргә ярдәм итә

Мичурин авылы китапханәсе хәбәр иткәнчә, яңгырлы көннәрдә китапханә һәм мәдәният йорты хезмәткәрләре бергә җыелып, хәрбиләр турында кайгыртуны дәвам итә.

Алар белән бергә оныклар да килгән. Олылар пакетларга чәй тутырганда, балалар “озак яна торган” шырпы ясау белән мәшгуль. Алар бу шырпының хәрбиләр өчен кирәк икәнен аңлый. Шунлыктан тырышып, ярдәм итәләр. 
Әзерләп бетергәч, әбиләренә күрсәткәннәр. Алар исә посылкага салып, фронтка җибәрергә әзерләп куячаклар. Хәрбиләргә туган як җылысы китәчәк.