Путин балалар китабы көнен билгеләү тәкъдимен хуплады
Әлеге датаны сайлау очраклы түгел.
Россия Президенты Владимир Путин рус телен һәм Россия халыклары телләрен яклау өлкәсендә дәүләт сәясәтен гамәлгә ашыру советы утырышында киңәшчесе Елена Ямпольскаяның илдә балалар китабы көнен 26 мартта билгеләп үтү тәкъдимен хуплады.
«Мин балалар китабы көне уңаеннан тәкъдим турында үз фикеремне әйттем. Әлбәттә, ярдәм итәрбез», – диде дәүләт башлыгы.
Моңа кадәр Ямпольская хәбәр иткәнчә, быел Бөтенроссия балалар китабы атналыгын ачу тантанасында Россиядә балалар китабы көнен билгеләү идеясе туган. Аны балалар да, ата-аналар да хуплаган.
Әлеге датаны сайлау очраклы түгел. 1943 елда нәкъ менә шушы көнне Бөек Ватан сугышының иң кызган вакытында Союзлар Йортының Колонналы залында беренче тапкыр «Книжкины именины» узган.
фото: Солтан Исхаков
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев