Татарстанда бер оешмада зур шартлау: үлүче бар (ФОТО)

автор, 4 декабрь 2015 - 08:07

1352

3 декабрьдә, 15:16 сәгатьтә "112" системасы аша Казан шәһәре, Мәскәү районы ТЭЦ урамы 34 адресы буенча шартлау турында хәбәр килгән. Беренче янгын сүндерү һәм коткару бүлеге урынга килүгә ут белән эш иткән вакытта автоцистернада пар һәм һава катнашмасы шартлавы ачыкланган. Автоцистерна янып китүчән майлау материалларны ташыр өчен кулланылган булган, дип...

Татарстанда бер оешмада зур шартлау: үлүче бар (ФОТО)

Автоцистерна янып китүчән майлау материалларны ташыр өчен кулланылган булган, дип хәбәр итә Гражданнар оборонасы эшләре һәм гадәттән тыш хәлләр министрлыгы матбугат хезмәте.

Һәлакәт аркасында, 1985 елда туган ир-ат һәлак булган, гараж боксының пыяла капламасы ватылган, автоцистерна җимерелеп беткән. Беренчел фаразлар буенча, һәлакәт ут белән эш иткән вакытта куркынычсызлык кагыйдәләрен үтәмәү аркасында килеп чыккан.