Татарстанда елгада бата башлаган 11 яшьлек малайны шаһитлар коткарган

Лаеш районының Атабай авылында Кама елгасында бата башлаган 11 яшьлек малайны шаһитлар коткарып кала алган.

Елгада бала батуы турындагы хәбәр ашыгыч хезмәтләрне чакыру 112 номерына көндезге сәгать икедә килгән, дип хәбәр иттеләр «Татар-информ»га ТР буенча Россия Гадәттән тыш хәлләр министрлыгы Баш идарәсе матбугат хезмәтендә.

Баланы «механик асфиксия» диагнозы белән Балалар республика клиник хастаханәсенә озатканнар.

Шунысын да искәртеп үтәргә кирәк, бу хәл коену рөхсәт ителми торган пляжда килеп чыккан, анда су коенуны тыю турында аншлаглар урнаштырылган.

https://tatar-inform.tatar/news/incident/28-06-2021/tatarstanda-elgada-bata-bashlagan-11-yashlek-malayny-sha-itlar-kotkargan-5828331