Лениногорск авыл хуҗалыгы предприятияләре күпме продукция җитештергән?

Авыл хуҗалыгы идарәсе беренче квартал нәтиҗәләрен җиткерде: шулай итеп, ел башыннан 39 мең 127 центнер сөт җитештерелгән (узган елгыдан 5 процентка артык), бер сыерга 1 мең 24 килограмм сөт туры килгән.

Аграр хуҗалыкларда 13 мең баштан артык мөгезле эре терлек исәпләнә, шуның 4 мең 102 башы сыер. 1 мең 556 баш бозау, 7 мең 346 баш дуңгыз баласы туган. 13 мең 618 данә йомырка җитештерелгән. Сөтне сату күләме (биредә шулай ук халыктан җыелган сөтне исәпкә алып) 35 мең центнердан артык тәшкил итә.