Светлана Васильева: «Ат тоту зур түземлек сорый»

Баксаң, атларга бирелә торган паспортта мәгълүмат кешенекенә караганда, күбрәк языла икән. Күптән түгел шундый документны кулыма тотарга насыйп булды. Зеленая Рощада атлар асраучы Васильевлар гаиләсендә паспортның төрлесе бар: совет заманында ул башкача булган, еллар үтү белән ясалышы, формасы үзгәргән.

Чиста токымлы атларга кызыл тышлы, ә ярым токымлыларга (полукровный) сары төстәге документ би­релә. Анда туган елы, кушаматы, җе­несе, туган урыны, теркәү номеры, баш-аякларының зурлыгы, өстәмә бил­геләре, башка токым белән кушылган булса, нинди токым икәне дә, бары­сы да язылган. Совет заманындагысы бер битле булган, тышына зур итеп "Государственный Агропромышленный комитет Союза ССР" дип язылган.