Минем уңган бабам

Бабам гомере  буе “Урал” колхозында тракторчы, комбайнчы булып эшләгән. Аның сызган буразналарын үлчәсәң, миллионнарча километрга сузылыр, ә  комбайн белән,  таңнан торып, урган-суккан ашлыгы миллионлаган тоннага җитәр иде. 

Әгдәс бабам әбием Флюра белән бергә дүрт бала тәрбияләп үстергәннәр. Шуларның берсе – минем әтием Альберт. Ул гаилә традициясен дәвам итә. “Сатурн-Урал” җәмгыятендә тракторчы булып эшли. 
   

Минем бабам хәзер лаеклы ялда. Шулай булса да, ул бер дә тик тормый. Бабам бик уңган. Маллар карый, буш вакыты булганда балыкка йөрергә ярата. Аның тагын яраткан шөгыле бар: бабам тегү машинасында бик оста тегә.  Безгә бәяләйләр тегеп бирә, безнең кулларны җылытып тора. 

Мин бабамны бик яратам. Ул да безне ярата.

Айгизә Мостафина,
Сарабиккол мәктәбе,  2 сыйныф укучысы