Баш казый: Бар мәгълүматны телефонга җыйган яшьләрнең истәлекләре сакланмый
«Бүген яшьләрнең бөтен мәгълүматны смартфонда саклый. Шулар юкка чыккан очракта, бер язу, бер истәлек калмый сездән. Картайгач яшьлегегез истәлеге итеп нәрсә укырсыз икән?» — дип шөбһәсе белән уртаклашты Җәлил хәзрәт Фазлыев.
Бүгенге яшьләрнең олыгайган көннәрендә смартфоннар аркасында бернинди истәлекләре калмаячак, дип фаразлады Татарстанның Баш казые, Балтач районы имам-мөхтәсибе Җәлил хәзрәт Фазлыев.
«Бүгенге буын бик бәхетле шикелле. Компьютер да, телефон да бар. Бүген яшьләрнең бөтен мәгълүматы - смартфонда. Шул мәгълүматлар юкка чыккан очракта, бер язу, бер истәлек сакланмаячак. Картайгач, яшьлегегез истәлеге итеп нәрсә укырсыз икән? Хәзер кызларга хатлар да язмыйсыз инде. Бер истәлексез буын кала», — диде ул «Мин кулыма китап алам…» дип исемләнгән бәйгедә катнашучы шәкертләргә.
Җәлил хәзрәт Фазлыев сүзләренчә, кирәкле мәгълүматны телефон, интернетта гына түгел, ә гадәти көндәлекләрдә дә теркәп барырга кирәк.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев