Ришат Төхвәтуллин: "Башта каршы идем...."

Бу заман таләбеме, Ришатның үзенә ошыймы, бу хакта "Татар тудей" җырчының үзеннән белешкән.
"Үземнең иҗади карьерам башында мин сәхнәдә биюгә, сөйләүгә каршы идем. Җырларга гына теләдем, өстәвенә, лирик һәм халык җырларын гына. Тик минем директорым: “Сәхнәгә чыккансың икән, барысын да эшли белергә кирәк”, дип аңлатты. Башта концертларда бераз сөйли башласам, соңгы 2-3 елда биюләр дә кушабыз. Хәзер миңа бу ошый.
Безнеке кебек хореограф белән өйрәнү авыр түгел. Маргарита Камилевна - бик талантлы һәм креатив кеше, аңа карап биисе һәм матур хәрәкәтләр ясыйсы килә. Авырлыклар булмады, чөнки студент вакытта Октябрьский музыка училищесында без фольклор ансамбльдә чыгыш ясадык.
Шунысы гаҗәп: бу тамашачыларга да ошый. Сирәк кенә “Бик килешеп бетми», дип язалар язуын, әмма мин камилләшү өчен үз өстемдә эшләячәкмен. Һәр бию урынлы булырга һәм сәхнәдә башкарылган җыр белән туры килергә тиеш. Чыгыш вакытында сикереп, йөгереп йөрү дөрес түгел дип саныйм!", дигән җырчы.

чыганак:http://kiziltan.ru

Фото: HahLife