Яңа ел табыны өчен

Яңа ел табынына майонезлы салатлар әзерлисегез килә икән, майонезны үзегез ясасагыз яхшырак һәм файдалырак та булачак. Моның өчен каты итеп пешерелгән йомырка сарысына бер чәй калагы горчица кушып, изелгән массаны каймакка яисә йогыртка салып бутарга гына кирәк.

Каймактан подлив ясарга уйласагыз, аңа бераз сөт кушарга кирәк, шулай эшләсәң, ул эремәс.

Кызыл чөгендер якынча 3-3,5 сәгать пешә. Әгәр салат ясар өчен кызыл чөгендер тиз кирәк булса, аны бер сәгать кайнатыгыз да 10 минут салкын су астында тотыгыз.

Соус ясаганда ак шәраб урынына ике шикәр кисәген уксуста эретеп салырга да мөмкин.
Сыек йомырканы — 2-3, уртачаны — 4-5, ә катыны 8-10 минут пешерергә кирәк.

Әгәр йомырканы көчле утта пешерсәң, агы — каты, ә сарысы йомшак булып пешә. Ә инде салмак утта пешерсәң, сарысы — каты, агы йомшак була. Йомырканы акрын утта пешерергә киңәш ителә.

Итне табынга бирер алдыннан гына кыздырырга кирәк. Әгәр аны алдан кыздырып куйсагыз, тәме бөтенләй югала.

Итне мичтә кыздырганда өстенә салкын су коярга ярамый, ул катып китәчәк. Аны кыздырганда бүленеп чыккан сутын яисә кайнар шулпа сибәргә кирәк.

https://kiziltan.rbsmi.ru/

Фото:https://pixabay.com/ru