Белгеч: Бәрәңге саклануның уңышы аны саклау таләпләрен туры китереп салуга бәйле

"Икенче икмәк" - бәрәңгене дөрес итеп саклау турында үз киңәш-тәкъдимнәре белән ТР Россельхозцентр җитәкчесе урынбасары Гүзәл Хөсәенова бүлеште.

"Бәрәңгенең тәмен һәм файдалы үзлекләрен саклау буенча сезонлы чараларны  яңа технологияләр кулланып та, шулай ук еллар дәвамында тикшерелгән саклау ысуллары белән дә  үткәрәләр", - ди Гүзәл Хөсәенова.

Аның әйтүенчә, казып алынган бәрәңгене сортларга аерып, кирәкмәгән  үсемлек калдыкларыннан  һәм артык туфрактан чистарталар. Бәрәңгене ике-өч сәгать ачык һавада киптерү файдалы. Бу очракта кабыгы катылана һәм һәм ташыганда бик зыян килми.

Орлыкка дигән бәрәңгене саклауга куюның нәтиҗәле алымы- бәрәңгеләрне бераз яшелләндерү. Яшел бәрәңге авыруларга чыдам, чөнки аларда соланин бар – кешеләр һәм хайваннар өчен агулы матдә  ул, шуңа күрә яшелләр  утырту өчен генә кулланыла. Кукуруз ите ярдәмендә төпчекләрнең кабыгы ныгытыла, бәрәңге төпчегенә патогеник микрофлораның үтеп керүенә киртәсе барлыкка килә.

Бәрәңгене Уңышлы  саклау шарты- базны яки кайда сакларга җыенасыз, шул урынны яхшы итеп әзерләү. Барыннан да бигрәк,  узган елгы калдыклардан чистарткан булырга тиеш, шулай ук вентиляцияне тикшерергә. Чистартканнан соң, саклау урыны киптерелә, бордос катнашмасы белән эшкәртелә яки яңа сүндерелгән известь белән агартырга кирәк, күкерт шашкаларын куркынычсызлык чараларын үтәп кенә куллану мөһим.

"Бәрәңгене салкын саклау урынына куярга ярамый", - ди белгеч.

Вакытынннан алда бәрәңге бүлбеләре үсмәсен өчен нишләргә? Саклау өчен куелган температура +2 +5  градус һәм һава дымлылыгын 85-95%  тотарга кирәк. Кышкы чор ахырында үсеш "нокталары" уяна, сулыш интенсивлыгы арта, биохимик процесслар активлаша – бүлбеләр үсәргә әзер.

"Яз ахырында чәчәргә дигән бәрәңгеләрне  +10  +15 градуска кадәр җылытырга кирәк", - ди белгеч.