Covid-19 коронавирус инфекциясен кабат йоктырган беренче пациент вафат булган
Коронавирус инфекциясен кабат йоктырган 89 яшьлек Нидерланд кешесе вафат булган. Бу – дөньяда тәүге шундый очрак. РИА Новости агентлыгы Оксфорд университеты нәшрияты сайтына сылтама белән шул хакта хәбәр итә.
Нидерланд тикшеренүчеләре хәбәр иткәнчә, ул беренче очрактан соң ике ай чамасы узгач инфекцияне икенче тапкыр йоктырган.
«Берничә көннән соң хатын-кызның хәле бик нык начарланган, ә хастаханәгә китергәннән соң ике атна үткәч пациентның гомере өзелгән», - диелә нәшрият сайтында.
Бу – дөньяда коронавирус инфекциясен кабат йоктырганнан соң теркәлгән беренче үлем очрагы.
https://tatar-inform.tatar/news/health/13-10-2020/covid-19-koronavirus-infektsiyasen-kabat-yoktyrgan-berenche-patsient-vafat-bulgan-5778295
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев