ҖӘМГЫЯТЬ
Эш терәлсә акчага, ялың үтә бакчада
Җәйге ялын сәяхәттә уздырырга күнеккән россиялеләр быел аны, нигездә, Греция, Кипр, Тунис һәм Россиядә уздырырга җыена икән. Төркия белән Мисырга юллар ябылу, халыкның керем дәрәҗәсе кимү нәтиҗәсе бу, ди белгечләр. Росстат агентлыгы мәгълүматларына караганда, узган ел чит илгә чыгучылар саны, 2014 ел белән чагыштырганда, 8,5 миллионга кимегән. Бер ел эчендә...
Җәйге ялын сәяхәттә уздырырга күнеккән россиялеләр быел аны, нигездә, Греция, Кипр, Тунис һәм Россиядә уздырырга җыена икән. Төркия белән Мисырга юллар ябылу, халыкның керем дәрәҗәсе кимү нәтиҗәсе бу, ди белгечләр.
Росстат агентлыгы мәгълүматларына караганда, узган ел чит илгә чыгучылар саны, 2014 ел белән чагыштырганда, 8,5 миллионга кимегән. Бер ел эчендә Тайланд, Испания һәм Грециядә ял итүче россиялеләр саны да ике мәртәбә диярлек кимегән. "Хәзер кешеләр үз ялын мөстәкыйль рәвештә оештыра. Каһирә аша Шарм-әл-Шәйх белән Хургадага да барып җитә алалар. Тик мондый ысул ярдәмендә гаиләсе булмаган кешеләр генә сәяхәт итә ала", - ди "Хит сезона" туризм агентлыгы башлыгы Ирина Хәкимова. Аның сүзләренә караганда, хәзерге вакытта үзебездәге курортларга ихтыяҗ да 50 процентка арткан. Шулай да бу әле илдәге кунакханәләр җәй буе шыплап тулган булачак дигән сүз түгел, ди белгеч.
"Тора-бара аларга сорау кими барачак. Нәтиҗәдә, сезон азагында Россиягә ял итәргә килгән туристлар саны, узган ел белән чагыштырганда, 10-15 процентка гына күбрәк булачак, - ди агентлык башлыгы. - Туристлар арасында популяр булган Кырым, Сочи, Анапа кебек курортларга да сорау кимергә мөмкин. Ник дигәндә, Россиядәге курортлар бәясе әллә ни арзан түгел. Ә менә сыйфат ягыннан алар шактый калыша. Соңгы арада шундый закончалык күзәтелә: кыйммәтле ял өчен акчасы җитмәгән урта катлау вәкилләре, җәйге ялны бакчада казынып, өйдә генә уздыруны өстен күрә".
Чыганак:http://vatantat.ru/
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев