Груничев транспортта йөрү өчен түләүне кисәк арттырмау юлларын тәкъдим итте
ТР тарифлар буенча Дәүләт комитеты рәисе Казан перевозчиклары үтенече буенча аңлатма бирде.
Татарстанның тарифлар буенча Дәүләт комитеты рәисе Александр Груничев җәмәгать транспортында йөрү бәясен ел саен бер сумга арттырырга тәкъдим итте. Бу тарифның кисәк артуын булдырмаска ярдәм итәчәк.
«Төрле сәбәпләр буенча транспортта тарифлар коммуналь өлкәдәге кебек ел саен түгел, ә өч яки биш елга бер мәртәбә арттырыла. Без аны ел саен күтәрергә тәкъдим итәбез. Тик ул Россия Хөкүмәте коммуналь хезмәтләр буенча билгели торган күләмнән артык булырга тиеш түгел», — диде Груничев.
Әлегә мәcьәлә каралуда. Министрлар Кабинеты әлеге тәкъдимне хуплар дигән ышаныч белдерде ул.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев