Имбирьне өйдә үстереп була!

Өйдә имбирь үстереп, җиде айдан уңыш җыеп була. Бу турыда АиФ хәбәр итте.

Тәҗрибәле бакчачы Евгений Саланович сүзләренчә, өйдә үстерү өчен кибеттән имбирь тамыры сатып алырга кирәк. Аның черекләре булмасын, берничә тере бөресе булса әйбәтрәк.

Имбирь тамырын берничә кисәккә бүләргә, һәрберсендә бөре калдырырга. Аннары 35 градуска кадәр җылылыктагы суга салырга. Дүрт сәгать суда тотарга. Шул чакта бөреләр терелә башлар.

Тәбәнәк кырлы зур савыт төбенә галька яки керамзит җәяргә, өстенә цитруслы үсемлекләр өчен туфрак салырга. Ул 5 см чамасы калынлыкта булсын. Имбирь тамырын бөресен өскә каратып шушы туфракка утыртырга. Тамырны 3 сантиметрдан тирән күммәгез, диелә хәбәрдә.

Чыганак: Интертат

Фото: https://pixabay.com

http://tuganaylar.ru/news/stati/imbirne-yd-sterep-bula