Иске Куакта универсаль спорт мәйданчыгы ачылды (фотолар)

Чарада район башлыгы Рәгать Хөсәенов, авыл башлыгы Ирина Сушкова, авыл халкы, укучылар катнашты. Шулай ук Бөек Ватан сугышы ветераны Василий Коршин да тантаналы чарага килде.

Шәһәрнең 1нче спорт мәктәбе тәрбияләнүчеләре күрсәтмә чыгышлар тәкъдим итте.

Мәктәп укучылары аеруча да спорт мәйданчыгының ачылуына шат иде.

Соңыннан мәйданчыкта Иске Куак һәм Сарабиккол мәктәбе укучылары арасында футбол буенча иптәшләр матчы булды.

Бу көнне авыл җирлегендә халык җыены да узды. Иске Куакта яшәүчеләр матур итеп күргәзмә әзерләгән иде.

Ильмира Шакирова фотолары