Казан Кремлендә өстәмә чикләүләр кертү турында хәбәрне кире кактылар

Челтәрдә, янәсе, санитар-эпидемиологик хәлгә бәйле рәвештә, оператив штаб бүген режимны көчәйтү турында карар кабул иткән, дигән хәбәрләр пәйда булды.

Фейк хәбәрләрендә (10 октябрьдә чыккан) әйтелгәнчә, янәсе, җәмәгать транспортында, кибет һәм сәүдә үзәкләрендә барлык кешеләргә дә перчатка һәм битлекләрне мәҗбүри куллану кертелә. Янәсе, шул ук көннән башлап сәүдә нокталары һәм автопассажирлар перчатка-битлек режимын үтәүне тәэмин итәргә тиеш. Югыйсә аларга административ җаваплылык йөкләнә.

Шулай ук 13 октябрьдән 65 яшьтән өлкәнрәк кешеләр өчен, янәсе, мәҗбүри изоляция режимы билгеләнә, шулай ук ноябрьгә ташламалы пенсия юлларын сату туктатыла, ә 1 ноябрьдән, янәсе, 65 яшьтән өлкәнрәкләр өчен ташламалы пенсия юл йөрү билетларының гамәлдә булуы туктатыла. Шул ук көннән башлап фейк хәбәрләренең авторлары раслаганча, эш бирүчеләр барлык хезмәткәрләрнең кимендә 30% ын дистанцион режимга күчерергә тиеш.

Бу мәгълүмат, Казан Кремлендә ассызыклаганча, чынбарлыкка туры килми.

«Челтәрдә, Татарстанның оператив штабына сылтама белән, дөрес булмаган мәгълүмат таратыла. Игътибарлы булуыгызны һәм бары тик рәсми мәгълүматны һәм ТР Министрлар Кабинеты карарларын гына ышанып тапшыруыгызны сорыйбыз", - дип өстәде Лилия Галимова.

Шуның белән бергә, ТР Президенты матбугат хезмәтендә хәбәр итүләренчә, татарстанлыларны үз сәламәтлекләренә игътибарлы булырга һәм саклану чараларын үтәргә өндиләр

http://almet-rt.ru/news/mgyiyat/87