Лениногорск хуҗабикәләренә: бик тәмле дөге әзерләү ысулын АДЫМЛАП ӨЙРӘТҮ (фотолар)

Моның өчен 300 гр дөге, 1 кишер, 2 суган, 300 гр шампиньон, 100 гр яшел борчак, 100 гр кузаклы фасоль, 100 гр консервланган кукуруз, тоз, борыч, үсемлек мае кирәк.

Дөгене пешерәбез. Гөмбәне юып, дүрт өлешкә бүләбез һәм үсемлек маенда кыздырабыз. Вак итеп туралган суганны да кыздырып алабыз. Кишерне саламлап турап, суган янына салабыз. Яшел борчак белән фасольне суда пешереп алабыз. Гөмбә өстенә суган, кишер, дөге, борчак белән фасольне салабыз, тоз, борыч сибәбез дә болгатабыз. 5-7 минут ут өстендә томалап пешереп алабыз.