Лениногорск халык театры Түбән Чыршылы авылына килде (+фотолар)
Лениногорскиның Рәшит Шиһап исемендәге халык театры артистлары Түбән Чыршылыга спектакль белән килделәр.
Бу хакта безгә авыл мәдәният йорты җитәкчесе Раилә Әхмәдиева яза.
Халык театры артистлары яңа спектакльне Түбән Чыршылы авылы тамашачысына күрсәтергә булганнар. Аларның яңа премьерага әзерләнүен газетыбызның декабрь санында язган идек инде.
Артистлар драматург Шәриф Хөсәеновның “Бирнәле кыз” комедиясен куйдылар. Әлеге спектакльдә 5 артист катнаша: Мәдинә Сафиуллина, Гүзәл Талипова, Флера Тәхаува, Мөгаллимә Сәмигуллина, Рафис Сөләйманов.
- Алар профессиональ дәрәҗәдә оста итеп рольләрен уйнадылар. Залда утыручы тамашачыны спектакль битараф калдырмады, ул бер сулышта үтте, тамашачылар да алкышларын кызганмады. Сәхнәдә барган күренешләр көлдерде дә, моңсулатты да, - ди Раилә Әхмәдиева.
Тулырак "Заман сулышы" газетында укырсыз.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев