Заман сулышы

Лениногорск ТОСлары "Ветераннар янәшәбездә" дигән чара үткәрде (фотолар)

"Язгы игелеклелек атнасы" кысаларында аеруча да һәркем кулыннан килгән кадәр игелек, яхшылык кылырга тырыша. Шул уңайдан, 8 нче территориаль үзидарәсе үзенә кунакка "хуҗасыз" калган тыл хезмәтчәннәрен җыйды. "Ветераннар янәшәбездә" дип аталган бу чара "Исток-Башлангыч" халыкка социаль хезмәт күрсәтү үзәге һәм 7 нче территориаль үзидарәсе белән берлектә узды. - Олыны хөрмәт...

"Язгы игелеклелек атнасы" кысаларында аеруча да һәркем кулыннан килгән кадәр игелек, яхшылык кылырга тырыша.

Шул уңайдан, 8 нче территориаль үзидарәсе үзенә кунакка "хуҗасыз" калган тыл хезмәтчәннәрен җыйды. "Ветераннар янәшәбездә" дип аталган бу чара "Исток-Башлангыч" халыкка социаль хезмәт күрсәтү үзәге һәм 7 нче территориаль үзидарәсе белән берлектә узды.

- Олыны хөрмәт итмәгән үзе олыгаймаган. Безнең өчен үрнәк, сез безгә әле бик кирәк. Якыннарыгызның ихтирамын, күңел җылысын тоеп, якты көннәргә шатланышып шулай бергә-бергә яшик, - дип сәламләде халыкка өйдә социаль ярдәм күрсәтү мөдире Луиза Ризванова.

Чара түгәрәк өстәл, ямьле табын артында үтте. Ул җанлы аралашу, шигырьләр, уеннар белән үрелеп барды. Бәйрәмне шәһәребезнең музыка-педагогик студентлары бизәде. Алар берсеннән-берсе матур җырларын бүләк итте. Әбиләр үзләре дә кушылып җырлады, актив булдылар. Аларның һәрберсе:

- Күңелебез булды, рәхмәт яусын, - дип кат-кат әйтеп таралашты. Садриев урамында яшәүче 89 яшьлек Хәкимова Хаерлевәрә һәм 87 яшьлек Рәисә Хәсәнова беравыздан:

- Әле аягыбызда йөри алганда килдек. Чакырып дөрес иткәннәр, ялгызыбыз гына туйдыра шул, - дип уй-хисләре белән уртаклаштылар.

Куйбышев урамында яшәүче Мөхлисә апа Шайдуллова да:

- Күптән өйдән чыкканым юк иде, рәхәтләнеп аралашып кайттым, - дип рәхмәт укый-укый кайтып китте.

Зилә Мөдәрисова фотолары

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: