Лениногорскида узган атнада 27 мең кубометр кар чыгарганнар

узган атнада шәһәрдән 27 мең кубометр кар чыгарылган, территорияләрне чистартуда 28 берәмлек техника кулланылган, бу эштә 70тән артык кеше катнашкан. Әле бу бер генә җәмгыятьтә - «БлагСтройДорХоз» җәмгыяте эшләре. Моннан тыш торак-коммуналь оешмалар да кар чистартуда эшли.

Лениногорск районы башлыгы Рәгать Хөсәенов атналык киңәшмәдә урамнарны һәм ишегалды территорияләрен кардан чистартуны төп бурычларның берсе дип билгеләп үтте. Шулай ук йортларның түбәләрен кар һәм боздан арындыруны, урамнарны киңәйтүне контрольдә тотарга кушты.