Лениногорскиның кайбер йортларында һәм берничә учреждениедә җылылык юк

Чөнки 11нче котельныйда яңа җиһазлар кую эше бара, дип хәбәр итә мэриянең матбугат хезмәте.

“Лениногорск җылылык челтәрләре” предприятиесе хәбәр иткәнчә, 11нче котельныйдагы җиһаз бик искергән, эксплуатация срогы чыккан. Ул 1996 елгы була. Шунлыктан  “Лениногорск җылылык челтәрләре” предприятиесе һәм Казандагы "Управление капитального строительства инженерных сетей и развития энергосберегающих технологий» җәмгыяте белән берлектә котельныйны техник яктан яңадан коралландыру карары кабул ителә.

Бүген котельныйда җиһазлар куелган, промышленность куркынычсызлыгы буенча документацияләр экспертиза узган.
Октябрь башында җылылык җибәреләчәк.

Аз гына түзегез инде, җылы булачак