Мәктәпләрдә беренче сентябрь кыңгыравы яңгырады (11нче гимназиядән фоторепортаж)

100 бала бүген тәүге тапкыр шәһәрнең 11нче гимназиясе бусагасын атлап керде. Белем бәйрәме аларның үзләре өчен дә, әти-әниләре өчен дә бик дулкынландыргыч һәм шатлыклы көн.

Барлык гимназия укучыларын, ата-аналарны һәм укытучыларны район башлыгы  Рәгать Хөсәенов сәламләде.

Ярты ел вакыт узганнан соң балалар, ниһаять, парта артларына утырды. Белем бәйрәмендә тантаналы линейкага 1нче, 9нчы һәм 11нче сыйныф укучылары җыелды.

Гимназиядә узган чарада 10нчы сыйныф та катнашты. Чөнки араларында Бөтенроссия укучылар олимпиадасының республика этабында 2нче призлы урынны яулаган һәм башка бик күптөрле бәйгеләрдә зур уңышларга ирешкән укучы Илья Колсанов та бар. Бәйрәмдә аны тәбрикләп уздылар.

Барлыгы быел гимназиядә 712 бала белем алачак. Шуларның унтугызы – 11нче сыйныфны тәмамлаячак.   

Гөлназ Хәйретдинова фотолары