Заман сулышы

Президент ТАССРның 95 еллыгын бәйрәм итү турында Указ имзалаган

Татарстан Республикасы Президенты Рөстәм Миңнеханов ТАССРның 95 еллыгы һәм ТРның яңа дәүләтчелегенең 25 еллыгын бәйрәм итү турындагы Указны имзалаган. ТР Президентының 14 февральдә имзаланган Указы нигезендә, Татарстан Автономияле Совет Социалистик Республикасының 95 еллыгын һәм Татарстан Республикасының яңа дәүләтчелегенең 25 еллыгын бәйрәм итү чаралары 2015 елның августына билгеләнгән. Бәйрәм чараларына әзерлек...

Татарстан Республикасы Президенты Рөстәм Миңнеханов ТАССРның 95 еллыгы һәм ТРның яңа дәүләтчелегенең 25 еллыгын бәйрәм итү турындагы Указны имзалаган.
ТР Президентының 14 февральдә имзаланган Указы нигезендә, Татарстан Автономияле Совет Социалистик Республикасының 95 еллыгын һәм Татарстан Республикасының яңа дәүләтчелегенең 25 еллыгын бәйрәм итү чаралары 2015 елның августына билгеләнгән.
Бәйрәм чараларына әзерлек һәм үткәрү буенча оештыру комитетына ТР Дәүләт Советы Рәисе Фәрит Мөхәммәтшин, ТР Премьер-министрының беренче урынбасары Алексей Песошин, ТР Премьер-министры урынбасары - ТР Министрлар Кабинеты Аппараты җитәкчесе Шамил Гафаров, Республика матбугат һәм массакүләм коммуникацияләр агентлыгы җитәкчесе Айрат Зарипов, республика министрлыклары җитәкчеләре һ.б. керәчәк.
"Оештыру комитетына 2 ай эчендә ТАССРның 95 еллыгы һәм ТР яңа дәүләтчелегенең 25 еллыгын бәйрәм итү буенча чаралар планын ТР Президентына раслауга тапшырырга", - диелгән документта.
Татарстан Министрлар Кабинетына оештыру комитетының эшен тәэмин итү, шулай ук бәйрәмгә әзерлек һәм үткәрү белән бәйле чыгымнарны финаслау чыганагын билгеләү йөкләнгән.
ТР Дәүләт Советына, шулай ук ТР муниципаль районнар һәм шәһәр округлары җитәкчеләренә бәйрәмне оештыруда һәм чараларда катнашырга тәкъдим ителә.
"Татар информ"сайтыннан

Реклама

Иң мөһим һәм кызыклы язмаларны Татмедиа Telegram-каналында укыгыз


Теги: ТАССР 95
Нравится
Поделиться:
Реклама
Комментарии (0)
Осталось символов: