Татарстанда ике җиңел машина катнашындагы һәлакәттә дүрт кешенең гомере өзелгән
Татарстан юлында ике җиңел машина кара-каршы бәрелешкән һәлакәттә дүрт кешенең гомере өзелгән. Бу турыда Татарстан буенча Эчке эшләр министрлыгы матбугат хезмәте хәбәр итә.
Бүген иртән республиканың Лаеш районында Казан-Оренбург юлының 68 чакрымында «Лада» һәм «Фольксваген» катнашында һәлакәт булган.
«Беренчел мәгълүматлар буенча, чит ил машинасы каршы як полосага чыгып, «Лада» белән бәрелешкән», – дип ачыклык керттеләр ведомство матбугат хезмәтендә.
Юл һәлакәтендә дүрт кешенең гомере өзелгән. Өч кешене ашыгыч ярдәм машинасында хастаханәгә алып киткәннәр. Фаҗига сәбәпләрен ачыклыйлар.
Бу хакта тулырак: https://tatar-inform.tatar/news/2019/11/16/197047/
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев