Ураза тотканда вакцина ясатырга, укол кадатырга ярыймы?
Сорагыз - җавап бирәбез
– Ураза тотканда вакцина ясату рөхсәт ителәме? Укол кадатырга ярыймы?
С.Әхмәтова. Актаныш
Сорауга Татарстан Республикасы Диния нәзарәте башлыгы, мөфти Камил хәзрәт Сәмигуллин җавап бирде.
– Безнең илдә ислам ике төрле мәзһәб кысаларында тотыла – Шәфигый һәм Хәнәфи мәзһәбләре. Шәфигый мәзһәбе буенча бу рөхсәт ителә. Татарлар – хәнәфиләр, һәм безнең мәзһәбтә ике фикер бар. Әбү Хәнифә фикеренчә, укол кадату уразаны боза. Аның шәкерте имам Әбү Йосыф исә рөхсәт итә. Нәтиҗә мондый: «питательный» дип саналган укол (глюкозалы, витаминлы. – Ред.) кадатырга рөхсәт ителми, ә менә кеше сәламәтлеге өчен зарури саналганнары (инсулин сыман) ярый. Вакцинага килгәндә, әгәр дә кеше ураза бозылыр дип шикләнә икән, аны кич белән, ахшамнан соң, авыз ачкач да ясатырга була.
http://agryz-rt.ru/news/slak/uraza-totkanda-vaktsina-yasatyrga-ukol-kadatyrga-yaryymy
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев