Янгын вакытында һәлак булган биш баланың атасы бик авыр хәлдә

Татарстан Сәламәтлек саклау министрлыгы китергән мәгълүматларга караганда, Иске Куак авылында килеп чыккан янгында исән калган бердәнбер кеше - гаилә башлыгы - хәзерге вакытта бик авыр хәлдә.

Аның тәненең 70-75 проценты янган, дип хәбәр ителә. Пациентның хәле бераз яхшыруга, аны Казанга Республика клиник хастаханәсенә озатачаклар.

Шунысын да исегезгә төшерәбез, фаҗига 8 гыйнвардан 9 гыйнварга каршы төндә килеп чыккан. Янгын нәтиҗәсендә, биш бала һәм аларның әниләренең вафат булганлыгы билгеле. Гаилә хуҗасы исә исерек хәлдә булган дип хәбәр ителә.
Чыганак:http://intertat.ru