Заман сулышы

Йорт хайваннарының кешедән коронавирус йоктыру очраклары ачыкланды

Россия хайваннар өчен COVID-19 коронавирусына каршы дөньяда беренче вакцинаны теркәгән.

 Бөтендөнья сәламәтлек оешмасы эт, мәче, чәшке, арыслан, юлбарыс һәм этләрнең янут төренә кешедән COVID-19 йоктырырга мөмкинлеген раслады. Оешма вирусның башка төр хайваннарга йогынтысын өйрәнә. Бу турыда РИА Новости хәбәр итә.

Оешманың Россиядәге вәкиле Мелита Вуйнович сүзләренчә, COVID-19 вирусы нигездә кешедән кешегә йогу юлы белән тарала, әмма кешедән хайваннарга йогу очраклары да бар, әлегә арадаш хуҗа идентификацияләнмәгән.

«Коронавирус белән авырган кешеләр белән элемтәдә булган берничә хайван — чәшке, эт, мәче, арыслан, юлбарыс һәм этләрнең янут төрен тикшергәннән соң, аларның COVID-19 йоктыруы ачыкланган. Хайваннарның башка төрләренә вирусның йогынтысын тикшерү дәвам итә», — диде Мелита Вуйнович.

Аның сүзләренчә, киләчәктә авыру таралмасын өчен хайваннарның нинди төрләре вируска бирешүчән булуын ачыкларга кирәк.

Реклама

Россия хайваннар өчен COVID-19 коронавирусына каршы дөньяда беренче вакцинаны теркәгән. «Карнивак-Ков» вакцинасын Россельхознадзорның Хайваннарның сәламәтлеген саклау федераль үзәге галимнәре эшләгән. Хәзерге вакытта вакцинациядән соң иммунитетны саклау срогы ярты ел дип бәяләнә. Апрельдә вакцинаны массакүләм җитештерә башларга җыеналар. 

 

https://tatar-inform.tatar

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: