Заман сулышы

Баулы сәнгать мәктәбендә пакет белән "шартлаткыч" калдырып киткәннәр

Бүген иртән Баулыдагы балалар сәнгать мәктәбендәбилгесез кеше тарафыннан калдырып киткән шикле пакетка тап булганнар. Әлеге ят табылдыкны беренче булып киенү-чишенү бүлмәсендә эшләүче хезмәткәр күреп алган. Ул бу хакта тизрәк мәктәп җитәкчелегенә хәбәр итә. Тиз арада бинадагы кешеләрне чыгаралар, җирле полиция бүлегенә хәбәр ителә. Пакетта бомба муляжы табыла. Шунысы игътибарга лаек:...

Бүген иртән Баулыдагы балалар сәнгать мәктәбендәбилгесез кеше тарафыннан калдырып киткән шикле пакетка тап булганнар.
Әлеге ят табылдыкны беренче булып киенү-чишенү бүлмәсендә эшләүче хезмәткәр күреп алган. Ул бу хакта тизрәк мәктәп җитәкчелегенә хәбәр итә. Тиз арада бинадагы кешеләрне чыгаралар, җирле полиция бүлегенә хәбәр ителә. Пакетта бомба муляжы табыла.
Шунысы игътибарга лаек: пакетны табып алган хезмәткәр аңа кадәр мәктәпкә килгән 35 яшьләр тирәсендәге ир-атны да күреп калган була. Нинди йомыш белән килүен, дәфтәргә теркәп кую өчен исемен дә сораган була. Әмма ир-ат аны-моны әйтми генә машинасына утырып, тизрәк табан ялтырата. Әлеге ханым машинасының номерын истә калдырырга өлгерә.
Соңыннан эчке эшләр бүлеге хезмәткәрләре моның өйрәнүләр генә булуын җиткерә.

Иң мөһим һәм кызыклы язмаларны Татмедиа Telegram-каналында укыгыз


Теги: бомба
Нравится
Поделиться:
Реклама
Комментарии (0)
Осталось символов: