Лениногорскилы бер ханымны бозым чыгарам дип чегән мошенник алдаган

11 июньдә эчке эшләр бүлегенең дежур частенә 25 яшьлек лениногорскилы мөрәҗәгать итә. Ул пекарняда сатучы булып эшли икән. Ике көн рәттән, 7 һәм 8 июньдә әлеге бинага хатын-кыз кереп, сатучыга “сине бозганнар, үлемнән котылырга кирәк”, ди. Сатучы аңа ышанып, үзенең 3 мең сум акчасын, алтын алкаларын һәм пекарня кассасыннан 20 мең сум акча бирә. Өч көн үткәч, полициягә хәбәр итә.

Әлеге факт буенча җинаять эше ачылган, полиция хезмәткәрләре алдакчыны эзли. Ул 40-45 яшьләрдәге хатын, чегәнгә охшаган, ябык кына гәүдәле. Соры-зәңгәр төстәге костюм кигән булган. 

Чыганак: республика Эчке эшләр министрлыгы сайты

фото:pixabay.com