Татарстанда балигъ булмаганнар тарафыннан кылынган җинаятьләр аталды

Ешрак Татарстаннан балигъ булмаган хокук бозучылар икътисади җинаятьләр кыла. Бу хакта ТР буенча Эчке эшләр министрлыгының участок полиция хезмәткәрләре һәм балигъ булмаганнар эшләре буенча бүлекчәләрнең эшчәнлеген оештыру идарәсе башлыгы урынбасары Лариса Осипова сөйләде.

«Нигездә бу-урлаулар, алар өлешенә җинаятьләрнең гомуми санының 40-50% ы туры килә. Минемчә, бу-үз гамәлеңне аңламау аркасында килеп чыга. Шуңа күрә без үз хезмәткәрләребез алдында аңлату бурычын куябыз. Яшүсмерләр бүген ишеткәннәр, ә иртәгә онытканнар. Шуңа күрә безнең хезмәткәрләр җинаятьнең ни икәнен ачыклау өчен төрле лекцияләр һәм әңгәмәләр белән чыгыш ясыйлар", - диде ул.

Осипова билгеләп үткәнчә, яшүсмерләр үзләренең тормыш тәҗрибәсе җитмәү сәбәпле, хәзер аларның нәрсә эшләүләрен һәм моның өчен нинди җаваплылык көтүен аңламый.