Яңа Иштирәктә бер кешене таптатканнар

18 июльдә төнге сәгать 11дә эчке эшләр бүлегенең дежур частенә Яңа Иштирәк авылындагы юл кырыенда ир-ат мәете яту турында хәбәр килә. Алынган тән җәрәхәтләре аның машина бәрдерүе нәтиҗәсендә һәлак булуын күрсәтә. Ул Әлмәт шәһәре кешесе, икенче группа инвалид булган. Полиция хезмәткәрләре гаепләнүчене эзләү барышында Зеленая Роща авылындагы бер гаражда бамперы ватылган ВАЗ-217230 автомобиленә тап була. Юл-транспорт һәлакәте урынындагы ватыклар әлеге автомобильнеке булуы ачыклана. Тикшерү эшләре дәвам итә, дип хәбәр итә эчке эшләр бүлеге хезмәткәрләре.