Заман сулышы

БДИда мәҗбүри фәннәрнең берсе гамәлдән чыгарылды

Чит тел буенча имтихан мәҗбүри исемлектән алынды.

 

ФГОС «Бердәм Россия»нең 2022 елда чит тел имтиханын гамәлдән чыгару тәкъдимен хуплады.

Фикер алышуда укытучылар һәм ата-аналар җәмәгатьчелеге вәкилләре, мәгариф өлкәсе экспертлары, төрле төбәкләрнең укытучылар иҗтимагый оешмалары катнашты.

Экспертлар билгеләп үткәнчә, проблема педагоглар җитмәүдән, шулай ук мәктәпләрдә чит телне өйрәнү өчен кирәкле заманча техник җиһазлар булмаудан гыйбәрәт. Моның өчен төбәк һәм җирле бюджетларда каралмаган зур финанс чыгымнары таләп ителә.

Исегезгә төшерәбез, чит тел буенча имтихан тапшыру 2022 елда мәктәп аттестатын алу өчен мәҗбүри иде. Агымдагы елның июлендә Мәгариф һәм фән министрлыгы әлеге белем бирү стандартындагы пунктны гамәлдән чыгарды. Бүген 10 чыгарылыш сыйныф укучысының берсе генә БДИ тапшыру өчен чит телне сайлый.

 

Реклама

https://tatar-inform.tatar/

http://almet-rt.ru

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: