Заман сулышы

Быел бердәм дәүләт имтиханын югары уку йортларына керүчеләр генә тапшырачак

Татарстан Мәгариф һәм фән министрлыгы БДИ-2021не бары тик югары уку йортларына керүчеләр генә тапшырачагын хәбәр итте.

 

«Карар проекты нигезендә 2021 елда бердәм дәүләт имтиханы бакалавриат программалары һәм белгечлек программалары буенча укырга кабул иткәндә керү сынаулары буларак үткәрелә», — диелә документка аңлатма язуында.

Документта шулай ук 11 сыйныфны тәмамлаучылар быел бары тик рус теле буенча БДИ нигезендә генә мәктәп аттестаты ала алачаклар: бу норма «2021 елда югары уку йортларының бакалавриат программалары һәм белгечлек программалары буенча укырга керергә планлаштырган чыгарылыш сыйныф укучылары өчен» гамәлдә.

Вузларга укырга керергә җыенмаган балалар, мәктәп аттестаты алу өчен, рус теле һәм математика буенча дәүләт чыгарылыш имтиханнарын тапшырырга тиеш булачак.

Тагын бер мөһим норма 10 сыйныф укучыларына кагыла. «2020/21 нче уку елында урта гомуми белем бирү планының аерым уку предметларын үзләштерүне тәмамлаган 10 сыйныф укучылары 2021 елда әлеге уку предметлары буенча бердәм дәүләт имтиханында катнашырга хокуклы», — диелә документта.

Моңа кадәр мәгариф министрлыгында 2021 елда БДИның вакытыннан алда тапшырылуы гамәлдән чыгарыла, дип хәбәр иттеләр. Имтихан 31 майдан 2 июльгә кадәр югары уку йортларына керү өчен генә узачак. Өстәмә чор — 12 июльдән 17 июльгә кадәр.

Вузга кермәүчеләр ике фән: рус теле һәм математика буенча 24-28 май көннәрендә Дәүләт чыгарылыш имтиханын тапшыра. Бу — мәктәптә үткәрелә торган контроль эш формасы. 2021 елда база дәрәҗәсендәге математика буенча БДИ үткәрелмәячәк, диелә хәбәрдә.

 

https://tatar-inform.tatar/

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: