Лениногорскилыларны район башлыгы Рәгать Хөсәенов котлады

Кадерле лениногорскилылар, хөрмәтле якташлар!

Чын күңелдән сезне Яз һәм Хезмәт бәйрәме белән котлыйм! Бу көнне хезмәтләре өчен рәхмәт сүзләрен һәм котлауларны эшче халыкка юллыйбыз. Шәһәр, туган як, илнең иминлеге, бәхете өчен хезмәт итүчеләр, чыннан да, хөрмәткә лаек.

Бүген шәһәр һәм районыбызда төзекләндерү буенча күп эшләр башкарыла, яңа йортлар төзелә, яңа биналар, социаль һәм мәдәни объектлар салына. Һәрбер лениногорскилы үзенең хезмәте белән яңа үзгәрешләргә нигез сала.

Сезгә нык исәнлек, күңел күтәренкелеге, гаиләгездә иминлек, бәхет телим.

Рәгать Хөсәенов,

муниципаль район башлыгы, шәһәр мэры.