Лениногорск аты өченче урын алды (фотолар)

Безнең район аты шушы көннәрдә, Кырлайда 40 километрга ярышып, өченче урын алып кайтты.

Югары Каран авылындагы "Алмакай"атлар клубының "Чики" кушаматлы аты ул. Клуб җитәкчесе Фәрит Нәбиуллин әйтүенчә, әлеге ярышта икенче ел катнашалар инде: былтыр җиденче урын алган булганнар, быел өченчегә менгән.

Беренче урынга Биектау, икенче урынга буа, өченчегә безнең ат чыккан. Фәрит әфәнде әйтүенчә, беренче-икенче урынны алучылар гарәп токымлы атларда узышкан.

Ә безнеке - татар токымлы. Монгол, татар, кыргыз атлары булган кебек, татар атлары да бар, алар безнең тирәлеккә яраклашкан . бик чыдам атлар, ди. "Чики" юлда да үзен бик әйбәт тотты, ди ул. Чабышка барачагын белеп, башын бутап, әзер икәнлеген белдереп торды, -ди.