Лениногорскида Җиңү көненә багышланган митинг үтте, бәйрәм чаралары дәвам итә (ФОТОЛАР)

Лениногорскида Мәңгелек ут янында җиңү көненә багышланган тантаналы митинг үтте.

-Бу - гадәти булмаган бәйрәм, чөнки яу кырында ятып калганнарны, инде һәлак булган ветераннарны искә алабыз, бүгенге көндә исән-сау булганнарны хөрмәтлибез, - диде чыгышында район башлыгы Рәгать Хөсәенов.
Мәңгелек утка чәчәкләр куелды, аннан парад башланды. Үзәк урамны тутырып, тигез атлап егет һәм кызлар, "Үлемсез полк" акциясендә катнашучылар үтте.

Әлеге минутларда Үзәк мәйданда бәйрәм концерты бара, кыр кухнясы, сату нокталары, күргәзмәләр эшли.
Бәйрәм салюты 22.00 да булачак.