1 февральдән Татарстанда 340 мең кешенең айлык акчалата түләүләре артачак
Индексация инвалидлар, хәрби хәрәкәтләрдә катнашучылар, радиация йогынтысы һ.б. дучар булган гражданнарга кагылачак.
2019 елда федераль ташламалардан файдаланучыларның айлык акчалата түләүләре индексацияләнәчәк. Россия Пенсия фондының Татарстандагы бүлеге идарәчесе Эдуард Вафин «Татар-информ» агентлыгына биргән интервьюсында шул хакта хәбәр итте.
«1 февральдән инвалидлар, хәрби хәрәкәтләрдә катнашучылар, «чернобыльчеләр» һәм федераль ташламалардан файдаланучы башка гражданнарның айлык акчалата түләүләре һәм социаль хезмәтләр җыелмасы индексацияләнәчәк», - дип искәртте Эдуард Вафин.
Аның сүзләренчә, Татарстанда мондый түләүләрне 340 меңгә якын кеше ала.
Индексациянең фаразланган күләме 3,4 процент тәшкил итәчәк, дип сүзен йомгаклады Россия Пенсия фондының Татарстандагы бүлеге идарәчесе.
Бу хакта тулырак: https://tatar-inform.tatar/news/2019/01/11/178596/
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев