Заман сулышы

2018 елда бәясе кыйммәтләнгән ризыклар исемлеге билгеле

Былтыр башлы суганга, валидолга, азык чөгендеренә, кишергә, суытылган һәм туңдырылган тавыкка да бәяләр тиз арткан.

Узган ел нәтиҗәләре буенча иң кыйммәтләнгән продуктлар тары ярмасы һәм кәбестә булган. Бу хакта Росстатка сылтама белән РБК яза.

2018 елда тары ярмасы 73,6 процентка, ә кәбестә 72,8 процентка кыйммәтләнгән. Бу инфляция дәрәҗәсеннән 17 тапкырга артык.

Газпромбанкның Икътисади фаразлау үзәге җитәкчесе Дарья Снитко сүзләренчә, тары ярмасына бәя арту бу культураны чәчү мәйданнары кимү белән аңлатыла. Чөнки халык арасында тарыга ихтыяҗ зур түгел.

Кыйммәтләнгән товарлар арасында газ-мотор ягулыгы өченче урында. Ул нефть базарының бәяләр конъюнктурасы шактый арту арту сәбәпле, 30,8 процентка кыйммәтләнгән. Газ-мотор ягулыгы (бензин) чагыштырмача арзан булу сәбәпле, аңа ихтыяҗ арткан.

Шикәр 28,3 һәм йомырка 25,9 процентка кыйммәтләнгән.

Шулай ук башлы суганга, валидолга, азык чөгендеренә, кишергә, суытылган һәм туңдырылган тавыкка да бәяләр тиз арткан.


Бу хакта тулырак: https://tatar-inform.tatar/news/2019/07/07/189415/

Фото: архив
 

Нравится
Поделиться:
Реклама
Комментарии (0)
Осталось символов: