Астрономия фәне мәктәпкә әйләнеп кайта

РФ мәгариф һәм фән министры Ольга Васильева мәктәп программасына астрономия дәресләрен кире кайтаруның мөһимлеген җиткерде.

"Уйлавымча, бу мөһим. Хәтерләсәгез, безнең бер сәгать бар иде. Аны кире кайтарырга кирәк", - дигән Ольга Васильева. Астрономия фәненең мәктәп програмамсына тәгаен әйләнеп кайтачагын җиткерсә дә, предметның ни рәвешле кире кертелә башлаячагына ачыклык кертмәде.

Исегезгә төшерәбез: астрономия фәне мәктәп программасыннан 2008 елда алынды. Чөнки булган дәреслекләрнең берсенә дә кулланылышка рөхсәт бирелмәде. Астрономия элементлары хәзер география һәм физика курсларына кертелде.