Заман сулышы

Бакчачылык ширкәтләрендә авыл хуҗалыгы терлекләрен асрауны тыйдылар

«Мал-туарны җир кишәрлеге шәхси ярдәмче хуҗалык булган очракта гына асрарга мөмкин», — дип белдерде Россиянең Юристлар ассоциациясе әгъзасы Мария Спиридонова.

 

Югары суд Россия Федерациясе гражданнарына бакчачылык белән шөгыльләнү өчен бирелгән җирләрдә авыл хуҗалыгы терлекләрен асрауны тыйды.

«Мал-туарны җир кишәрлеге шәхси ярдәмче хуҗалыкка караган очракта гына асрарга мөмкин», — дип белдерде Россиянең Юристлар ассоциациясе әгъзасы Мария Спиридонова. Ул бакча участокларында умарталар тоту бөҗәкләр асрауның ветеринария таләпләрен үтәгәндә генә мөмкин булуын да әйтте. Бу турыда РИА Новости хәбәр итте.

Реклама

Җирләрне куллану һәм саклау дәүләт инспекциясе Волгоград өлкәсендә бер участокта тавык кетәклеге булуын ачыклаган. Бу очракны тикшергәннән соң, хуҗа ханымга 10 мең сум штраф салганнар. Бу - әлеге административ тәртип бозу өчен минималь сумма. Кайбер очракларда штраф күләме 20 мең сумга кадәр җитәргә мөмкин, диелә хәбәрдә.

 https://tatar-inform.tatar

фото: https://pixabay.com/ru

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: