Балалар карда «мәктәп» сүзе ясап тезелгән видеодан соң, прокуратура тикшерү башлаган

Мәктәп, юллар һәм автобус булмауга бәйле рәвештә, Казанның Вишневка һәм Привольный бистәләре хакимиятенең гамәлләрен прокуратура тикшерәчәк. ТР прокурорының өлкән ярдәмчесе Руслан Галиев «Татар-информ» агентлыгына шулай дип белдерде.

 Балаларның карга тезләнеп «мәктәп» сүзен ясап тезелүе сурәтләнгән видеоролик социаль челтәрләргә таралды. Ролик авторы сүзләренчә, шул рәвешле балалар Вишневка һәм Привольный бистәләрендә мәктәп булмавына игътибарны юнәлтергә тырышкан.

Руслан Галиев хәбәр иткәнчә, балаларның белем алуга хокукы - күзәтчелек ведомствосының приоритетында. Әлеге бистәләрдә хакимиятнең гамәлләрен тикшерү нәтиҗәләре буенча, прокуратура гражданнарның уңайлы һәм имин яшәү шартларына хокукын тәэмин итү өчен тиешле чаралар күрәчәк.

https://tatar-inform.tatar/news/science/26-03-2021/balalar-karda-m-kt-p-s-ze-yasap-tezelg-n-videodan-so-prokuratura-tiksher-bashlagan-5815300