Бозау акчасы кайтты

Үрчем алу мәсьәләсе - терлекчелектәге иң авыр проблемаларның берседер, мөгаен. Бозаулары булмаган хуҗалыкта - терлекчелекнең киләчәге юк. Бу хакта кыш айларында ТР Авыл хуҗалыгы һәм азык-төлек министрлыгының терлекчелектәге селекция һәм нәсел эшләре буенча идарә начальнигы Илсур Закиров катнашында безнең районда узган зональ семинар-киңәшмәдә дә сүз булды. Билгеле, сыерны дөрес итеп ашату һәм тәрбия бирү - бозау алуның беренче нигезе. Кайбер хуҗалыкларда сыерларның буазы да, яңа бозаулаганы, кысыр калганнары да бер үк төрле рацион белән тукландырыла. Нәтиҗәдә, зәгыйфь туган бозауларның күбесе сыер булып җитешә алмый, җитешсә дә, сөтне күп бирми. Узган ел хуҗалыкларда барлыгы 4 мең 95 баш бозау туган. Ә быелның 4 ае нәтиҗәләре буенча, әлеге күрсәткеч - 2 мең 29 башка туры килә.

Үрчем өчен бирелгән субсидияне хуҗалыклар төрле күләмдә алды («Родник», «Хәсәнов Х.Х» хуҗалыклары программада катнашмады). Түбәндәге таблицага карагач, кайсы җәмгыять күпме алганлыгын чамалавы кыен түгел.

Беренче графада - хуҗалык исемнәре, икенчедә - сыер саны, өченчедә - шушы елның дүрт ае дәвамында яңа туган бозау саны.

"Лениногорская" агрофирмасы"	1565	754
"Маркс" җәмгыяте	300	216
"Спартак" агрофирмасы" җәмгыяте	383	178
"Ленин"	285	117
"Восходящая заря"	200	116
"Чулпан"	180	106
"Сатурн-Урал"	165	88
"Йолдыз"	369	86
"Хәбибуллин Ф.З" крестьян-фермерлык хуҗалыгы	175	84
"Зеленогорский" җәмгыяте	170	66
"Родник"	130	56
"Ганиев И.М" КФХ	80	50
"Хәсәнов Х.Х" шәхси предприятиесе	80	48
"Агропродсервис" җәмгыяте	96	21
"Дизель"	28	19
"Гыйззәтова Г.И" КФХ	12	10
"Хәйбриева З.Ә" КФХ	11	8