Диетологлар балалар кулланган татлы ризыкның зарарлы нәтиҗәләре турында сөйләде

Француз санитар иминлек агентлыгы докладында билгеләп үтелгәнчә, шикәрле продуктларны даими кулланган балалар зурайгач та шикәр микъдары югары булган ризыкка өстенлек бирәчәк.

Хәзер Француз балалары арасында дүрт яшендәгеләрнең 75 проценты, сигез яшьтән 12 яшькәчә балалар арасында – 60, 13тән 17 яшькәчә балалар арасында 25 проценттан артыгы баллы ризыкларны кирәгеннән артык куллана.

«Бу чорда балаларда бөтен тормыш дәвамында сакланачак аерым тәртип һәм гадәтләр формасы салына», - диделәр белгечләр. Шуңа бәйле рәвештә, алар җиләк-җимеш сокларын да кертеп, татлы эчемлекләр куллануны чикләргә киңәш итә. Моннан тыш, коры иртәнге ашларга сак карарга кирәк.

«Рационда артык шикәр авыз куышлыгы гигиенасында чагылыш таба», – диде диетолог Флоранс Фуко LCI телеканалына биргән интервьюсында.

«Татар-информ» элек диетологларның тәм-томнан ничек баш тартырга кирәклеге турында сөйләвен хәбәр иткән иде.

Бу хакта тулырак: https://tatar-inform.tatar/news/2019/06/30/189014/

фото:pixabay.com