Заман сулышы

Гражданнарның 2 категориясе өчен бер тапкыр бирелә торган пенсияне алу тәртибе үзгәрә

Яңа кагыйдәләр нигезендә, элеккеге хәрбиләр, Эчке эшләр, Оборона министрлыклары, прокуратура, Федераль иминлек хезмәте һ.б. структураларның хезмәткәрләре берьюлы ике пенсия алу мөмкинлегенә ия булачак.

РФ Хезмәт һәм социаль яклау министрлыгы 2022 елның июленнән инвалидлыкка ия яки туендыручысын югалткан гражданнар, шулай ук эш стажы кечкенә булган кешеләр өчен бер тапкыр бирелә торган пенсия алу тәртибен үзгәртәчәк. Бу хакта РИА Новости агентлыгы хәбәр итә.

«Моңа 55 яшьтән узган хатын-кызлар һәм 60 яшьтән өлкәнрәк ир-атлар керә», - диелә проектта.

Шундый пенсия түләүне сорап язылган гаризаны Дәүләт хезмәтләре порталында тапшыру мөмкинлеген тудырып, Пенсия фонды белән бәйләнешне гадиләштерергә ниятлиләр.

Билгеләп үтелгәнчә, кагыйдәләр үзгәргәннән соң әлеге пенсияне түләүне сорап биш елга бер тапкыр гына кабат мөрәҗәгать итеп булачак. Гаризаларны биш көн эчендә караячаклар.

Яңа кагыйдәләр нигезендә, элеккеге хәрбиләр, Эчке эшләр, Оборона министрлыклары, прокуратура, Федераль иминлек хезмәте һ.б. структураларның хезмәткәрләре берьюлы ике пенсия алу мөмкинлегенә ия булачак. Моның өчен вакытыннан алда пенсия түләү хокукын бирә торган яшькә җитү зарур, кирәкле иминият стажы, шәхси коэффициентлар булырга тиеш һәм көч ведомствосы линиясе буенча тиешле еллар эшләгән өчен яки инвалидлык буенча пенсия алу мәслихәт.

https://tatar-inform.tatar

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: