Кемерево шәһәрендәге Халыкара шахтерлар Сабан туена Лениногорск делегациясе барачак

26-27 июньдә Кемерово шәһәрендә Кузбассның 300 еллыгына багышланган Халыкара шахтерлар Сабан туе узачак. 

Бәйрәмгә Россиянең 21 төбәгеннән һәм чит илләрдән 250 делегат килүе көтелә.

Район башлыгы Рәгать Хөсәенов җитәкчелегендә Лениногорск делегациясе дә барачак. Авыл мәдәният йортларыннан баручылар Кемеровода халык уеннарын уйнатачаклар. Шулай ук сәнгать мәктәбеннән, педучилищедан һәм Балалар иҗат йортыннан да вәкилләр барырга тиеш.

Бәйрәмгә әзерлек бара, репетицияләр үтә.