«Үлемне кайда саталар, хәбәр ит»

Наркотикларның законсыз әйләнешен кисәтү, җинаятьләрне профилактикалау максатында, Россиядә наркотиклар әйләнешен кисәтү федераль хезмәте "Үлемне кайда саталар, хәбәр ит" Бөтенроссия акциясе үткәрә. Аның беренче этабы - быелның март аенда үтте. Ноябрьнең 10ыннан 18енә кадәр икенче этабы узачак.

Наркоконтроль идарәсе наркотик куллану яисә тарату фактларын белүче һәркемне Бөгелмәдәге "Ышаныч телефоны"на шалтыратуларын сорый. Телефонның номеры: 8(85594) 4-22-50.

"Үлемне кайда саталар, хәбәр ит" акциясе барышында барлык ярдәмгә мохтаҗларга наркомания, наркоэшмәкәрлек өлкәсендә эш итүче белгеч киңәше, мәгълүмати ярдәм алу мөмкинлеге тудырыла. Полиция хезмәткәрләре белән берлектә табиб-наркологлар, психологлар, балалар һәм яшьләр белән эшләүче белгечләр, "Ышаныч телефоны" буенча эшләүчеләр барысы да ярдәм күрсәтергә әзер.

Лениногорск эчке эшләр бүлегенең наркотикларга каршы бүлегенә - 2-71-99, сәламәтлек саклау учреждениесенә - 5-09-73, 5-38-11; информацион-методик үзәккә - 5-09-97; «Бердәм Россия» партиясенең Лениногорск җирле бүлекчәсе «Яшь гвардия» оешмасына - 5-25-89; "Логос" балалар-яшүсмерләргә психологик-педагогик ярдәм күрсәтү үзәгенә - 2-17-98 номерлары белән шалтыратырга мөмкин.