Лениногорск районында ике универсаль спорт мәйданчыгы ачылачак

Волейбол, баскетбол өчен универсаль спорт мәйданчыгы 3 нче мәктәп территориясендә булачак.

Спорт мәйданчыгын ачу тантанасы 7 августта 10.00 сәгатьтә була. Ачылу кысаларында 3 нче  мәктәп укучылары арасында стритбол буенча иптәшләрчә матч узачак.

Икенчесе - мини-футбол өчен универсаль спорт мәйданчыгы Иске Куак мәктәбе территориясендә.

Әлеге спорт мәйданчыгын ачу тантанасы 14 августта 11.00 сәгатьтә була. Ачылу кысаларында авыл яшьләре арасында мини-футбол буенча иптәшләрчә матч узачак.

• Универсаль спорт мәйданчыклары төзү буенча масштаблы проект Татарстан Республикасы Президенты Р.Н.Миңнеханов ярдәме белән 2013 елдан Татарстан  муниципаль берәмлекләренең шәһәрләрендә һәм торак пунктларында башланды.